18.11.2024 | 18:51
Արգիշտի Քյարամյանը աշխատանքային վերջին խորհրդակցությունն է անցկացրել
Արարատ Միրզոյանի մահափորձը բացահայտվե՞լ է․ Քրիստինե Պողոսյանի հարցը. ՏԵՍԱՆՅՈՒԹ
Հասարակություն
16.03.2021 | 11:37
«Արդյո՞ք ԱԺ նախագահ Արարատ Միրզոյանի նկատմամբ մահափորձի դեպքը բացահայտված է, հայտնի՞ են կատարողները և պատվիրատուները»,- ԱԺ «Իմ քայլը» խմբակցության անդամ Քրիստինե Պողոսյանը ԱԺ պաշտպանության և անվտանգության հարցերի մշտական հանձնաժողվի նիստում այս հարցն ուղղեց ԱԱԾ տնօրենի տեղակալ Տիգրան Հարությունյանին:
Հարությունյանը պատասխանեց, որ քրեական գործի շրջանակում նախաքննություն է ընթանում, և դժվար է պատասխանել այդ հարցերին. «Նախաքննության ավարտով է պայմանավորված պատասխանը թե՛ պատվիրատուների, թե՛ կատարողների առումով»:
Հարությունյանի խոսքով՝ որպես մեղադրյալ ներգրավված անձինք կան, նրանք ունեն դատաիրավական կարգավիճակ, քննչական գործողությունները շարունակվում են՝ պարզելու միջադեպի բոլոր հանգամանքները:
Հանձնաժողովի նախագահ Անդրանիկ Քոչարյանը նշեց, որ սպանության փորձը տեղի է ունեցել բոլորի աչքի առջև:
«Նրանք Միրզոյանին սպանված են համարել, դրա համար բաց են թողել: Կային պատվիրատուներ, կար հրահանգ, նրանք փնտրում էին առաջնային պաշտոնյաներին, ինչը նման էր Հոկտեմբերի 27-ին… Եթե դա տեղի ունենար, քաոտիկ իրավիճակ կունենայինք երկիրում»,- նշեց Քոչարյանը:
Մանրամասները՝ տեսանյութում:
