08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
Պայմանագրային զինծառայության տարիքային առավելագույն շեմն առաջարկվում է 45-ից բարձրացնել մինչև 63. ՏԵՍԱՆՅՈՒԹ
Քաղաքականություն
15.03.2021 | 12:45
ԱԺ «Լուսավոր Հայաստան» խմբակցությունը փոփոխություններ է առաջարկում «Զինվորական ծառայության և զինծառայողի կարգավիճակի մասին» ՀՀ օրենքում։
«Պատերազմից անմիջապես հետո մենք խնդիր ունենք պայմանագրային զինծառայողներով ավելի շատ համալրելու բանակը։ «Մենք կոնկերտ այս դեպքում Կապանում, Գորիսում բնակվող մեր քաղաքացիներից ստացել ենք առաջարկություն, որ փոխվի օրենքի համապատասխան դրույթը, որի համաձայն 42 տարեկանից հետո այլևս անհնար է շարունակել պայմանագրային զինվորական ծառայությունը։ Ներկայացրել ենք օրենքի նախագիծ, որով հնարավորություն կտրվի բարձրացնել այդ շեմը, մենք առաջարկում ենք այն բարձրացնել մինչև 63 տարեկան»,- ԱԺ Պաշտպանության և անվտանգության հարցերի մշտական հանձնաժողովի նիստում նշեց ԼՀԿ ղեկավար Էդմոն Մարուքյանը:
«Հիմնավորումն այն է, որ մարդիկ, լինելով բարձր ֆիզիկական պատրաստվածությամբ, առողջ, զինվորական ծառայության մեծ փորձով, ուղղակի իրավունք չունեն շարունակել պայմանագրային զինծառայությունը։ Եվ ստիպված մարդիկ, Հայաստանում աշխատանք չգտնելով, արտագաղթում են։ Ես ընդունել եմ շուրջ 50 մարդ, ովքեր երկու պատերազմի մասնակիցներ են, նաև Սյունիքում եմ հանդիպել իրենց, Սոթքում եմ հանդիպել»,- նշեց Մարուքյանը՝ հավելելով, որ առաջարկվում են հետևյալ փոփոխությունները՝ պայմանագրային զինվորական ծառայության մեջ գտնվելու սահմանային տարիքը սահմանվում է մինչև 63 տարեկանը, իսկ բարձրագույն սպայական կազմի գեներալ-գնդապետ և բանակի գեներալ զինվորական կոչումներ ունեցող զինծառայողների համար՝ մինչև 65 տարեկանը:
Մանրամասները՝ տեսանյութում:
