31.10.2026 | 22:35
Հայաստանի ներկայացուցիչ Ալինա Չարաևան դուրս եկավ եզրափակիչ
Նախագահը չի ստորագրի Ա.Դավթյանի նշանակումը, ասկերանցիների վերաբնակեցումն է քննարկվել. Լուրեր
Քաղաքականություն
12.03.2021 | 12:10
Հանրապետության նախագահը չի ստորագրելու Արտակ Դավթյանին ՀՀ ԶՈՒ ԳՇՊ նշանակելու հրամանագրի նախագիծը և չի դիմելու Սահմանադրական դատարան: Այս մասին երեկոյան հայտնել են նախագահի աշխատակազմից՝ միաժամանակ հիշեցնելով, որ նախագահն արդեն իսկ դիմել է Սահմանադրական դատարան, և ՍԴ կողմից որոշման կայացումն ու հնարավոր միջոցների ձեռնարկումը կարող են էական ազդեցություն ունենալ ԳՇ պետին ազատելու և նշանակելու իրավական կարգավորումների վրա:
—
Արցախի նախագահ Արայիկ Հարությունյանի և Ասկերանի շրջանի համայնքների ղեկավարների հանդիպմանը քննարկվել են բնակիչների՝ այլ վայրերում գյուղ առ գյուղ ժամանակավոր վերաբնակեցմանն առնչվող հարցեր:
—
Հայաստանում ձյան տեղումների հետևանքով փակ են Մ2 միջպետական ճանապարհի Վայք – «Զանգեր» հատվածը, Վարդենյաց լեռնանցքը, Բերդ-Ճամբարակ ճանապարհը։ Դիլիջանի և Ոսկեպարի ոլորանները փակ են բեռնատարների համար։ Սյունիքի մարզում, Աշոցքի և Արթիկի տարածաշրջաններում բուք է և ձյուն, ճանապարհները դժվարանցանելի են։
