15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Կգնանք արտահերթ ընտրության, եթե վարչապետը դադարեցնի բանակի հետ կռիվը. Անի Սամսոնյան. ՏԵՍԱՆՅՈՒԹ
Քաղաքականություն
10.03.2021 | 14:52
Թե որքանով է իրավաչափ Օնիկ Գասպարյանին պաշտոնից ազատելը, կարող է որոշել միայն ՍԴ-ն: Իրավաբանների մի մասի կարծիքով՝ վարչապետը կարող է ազատել ԳՇ պետին, մյուս մասի կարծիքով՝ պետք է լրանա նրա պաշտոնավարման 5 տարին: Օրենքում հստակ սահմանված չեն դրույթները, և այդ պատճառով տարբեր կերպ են մեկնաբանվում: Այս մասին լրագրողների հետ զրույցում նշեց «Լուսավոր Հայաստան» խմբակցության պատգամավոր Անի Սամսոնյանը:
«Այս փոփոխությունները կազդեն բանակի վրա: Այդ իսկ պատճառով մենք պայման ենք դրել, որ կհամաձայնենք գնալ արտահերթ ընտրությունների, եթե գործադիրը, վարչապետը դադարեցնեն բանակի հետ կռիվը: Իհարկե, եթե փոխգործակցության բնականոն մթնոլորտը խաթարվում է, չի կարող խոսք լինել պետական սահմանների ու բանակի վերակազմավորման մասին: Ներսում կա խնդիր, որը մինչև չլուծվի, չենք կարող հույս ունենալ, որ բանակում ինչ-որ բան կփոխվի, իսկ բանակի փոփոխություններն այսօր օդ ու ջրի պես հարկավոր են մեզ: Մենք դիմել ենք վարչապետին, որպեսզի այս խնդիրը շատ արագ լուծվի, քանի որ մեր պետության անվտանգության խնդիրն է սեղանին դրված»,- նշեց Սամսոնյանը:
Պատգամավորի խոսքով՝ ԳՇ պետին պաշտոնանկ անելը հանգուցալուծում չէ: «Մենք պայման ենք դրել, որ կստորագրենք արտահերթ ընտրությունների գնալու մասին հուշագիրը, եթե վարչապետը դադարի կռիվ տալ բանակի հետ, այսինքն՝ հանգիստ թողնի Օնիկ Գասպարյանին»,- ընդգծեց Սամսոնյանը:
Մանրամասները՝ տեսանյութում:
