11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Չինաստանում չղջիկների կենսանյութի մեջ հայտնաբերվել է SARS-CoV-2- ի հետ կապված վիրուսներ
09.03.2021 | 21:51
Ավստրալիայից և Չինաստանից հետազոտողները լայնածավալ ուսումնասիրություն են անցկացրել Չինաստանի հարավ-արևելքում գտնվող Յուննան նահանգի շրջաններից մեկում բնակվող չղջիկների կենսանյութի վերաբերյալ և գտել են կորոնավիրուսի չորս գենոմ, որոնք կապված են SARS-CoV-2-ի հետ։ Այս մասին ասվում է bioRxiv պորտալում հրապարակված հոդվածում, գրում է ՌԻԱ Նովոստին։
«2019 թվականի մայիսից մինչև 2020 թվականի նոյեմբեր ամիսներին մենք Չինաստանի Յուննան նահանգի տարածքում ապրող մկների 23 տեսակներից վերցված 411 նմուշ ենք ուսումնասիրել։ Այս տվյալներից մենք հայտնաբերել ենք կորոնավիրուսի 24 լիարժեք գենոմ, այդ թվում՝ նոր SARS-CoV-2-ի 4 ու 3 SARS-CoV-ի հետ կապված գենոմներ»,- ասվում է հրապարակման մեջ:
Հետազոտողները նշում են, որ SARS-CoV-2-ի էվոլյուցիոն արմատներն այդպես էլ չեն հայտնաբերվել, չնայած արդեն հայտնաբերվել են դրա հետ մի շարք ազգակցական կապ ունեցող վիրուսներ։
Մարդու օրգանիզմում պաթոգեն վիրուսների մեծ մասն ի սկզբանե հայտնվում է վայրի բնության մեջ և շատ հաճախ մարդուն փոխանցվում կենդանիներից։ Չղջիկները համարվում են մի շարք վիրուսների կրողներ, որոնք մարդկանց մոտ հարուցում են հիվանդություններ։ Այսպես՝ չղջիկները հանդիսանում են մարբուրգ, էբոլա վիրուսների ու կորոնավիրուսի կրողներ։ Կորոնավիրուսները վարակիչ են ոչ միայն մարդկանց, այլ նաև մի շարք տնային և վայրի կենդանիների, այդ թվում՝ խոզերի, կատուների, շների, հավի, եղնիկի և ոզնու համար:
Տաթև Ֆռանգյան
