19.01.2026 | 10:00
ԱԺ 11-րդ նստաշրջանի քառօրյայի մեկնարկը. ՈՒՂԻՂ
Եվրոպական խորհրդի նախագահը հատուկ բանագնաց է ուղարկում Վրաստան՝ միջնորդելու քաղաքական ճգնաժամի հաղթահարումը
Քաղաքականություն
09.03.2021 | 15:28
Եվրոպական խորհրդի նախագահ Շառլ Միշելը Վրաստանի ներքաղաքական ճգնաժամի հարցով հատուկ բանագնաց է նշանակել, գրում է Sputnik Georgia-ն՝ հղում կատարելով ԵՄ խորհրդի կայքում հրապարակված մամուլի հաղորդագրությանը:
Վրացական ընդդիմության և իշխանությունների միջև երկխոսության միջնորդի դերը կստանձնի Շվեդիայում Եվրահանձնաժողովի ներկայացուցչության նախկին ղեկավար Քրիստիան Դանիելսոնը, որը, ըստ պաշտոնական հաղորդագրության, Թբիլիսի կժամանի առաջիկա օրերին։
Նշվում է, որ Դանիելսոնը բանակցություններ կվարի շահագրիռ կողմերի հետ։ Նա սերտորեն կհամագործակցի Վրաստանում ԵՄ դեսպան Կարլ Հարցելի հետ՝ երկրում առկա քաղաքական լարվածության հաղթահարման համար։
«Նախագահ Միշելը և Բարձր ներկայացուցիչ Բորելը Վրաստանի բոլոր քաղաքական ուժերին կոչ են անում կառուցողական երկխոսության մեջ մտնել՝ բոլոր կողմերի համար ընդունելի արդյունքների հասնելու համար, ինչը բխում է ժողովրդավարական, կայուն, բարեփոխումներին ուղղված Վրաստանի շահերից», – ասված է հայտարարության մեջ:
Տաթև Ֆռանգյան
