17.05.2024 | 22:49
ՀՀ ԱԳ փոխնախարարը հանդիպել է «Անապատացման դեմ պայքարի» կոնվենցիայի կողմերի 15-րդ համաժողովի նախագահի հետ
Ամերիկացի սենատորները կոչ են անում Ջո Բայդենին ճանաչել Հայոց ցեղասպանությունը
Քաղաքականություն
09.03.2021 | 13:51
Ամերիկացի սենատոր, Արտաքին հարաբերությունների հանձնաժողովի նախագահ Ռոբերտ Մենենդեսը ԱՄՆ նախագահ Ջո Բայդենին ուղղված երկկուսակցական նամակին միանալու համար ստորագրություններ է հավաքում։ Նամակում սենատորները կոչ են անում երկրի նախագահին պաշտոնապես ճանաչել Հայոց ցեղասպանությունը։ Այս մասին հայտնում է Ամերիկայի հայ դատի հանձնախումբը։
«Ամերիկաբնակ հայերն ու ողջ երկրով մեր դաշնակիցները միանում են սենատոր Մենենդեսին՝ կոչ անելով սենատորներին ստորագրել նախագահ Բայդենին ուղղված առաջարկի տակ: Երկու կուսակցությունների վարչակազմերը լռում են Հայոց ցեղասպանության ճշմարտության վերաբերյալ: Մենք կոչ ենք անում ձեզ կոտրել այս օրինաչափությունը և պաշտոնապես ճանաչել այն, որ Հայոց ցեղասպանությունը ցեղասպանություն էր»,- ասել է ANCA-ի տնօրեն Արամ Համբարյանը։
Սենատի նամակում մեջբերում է արվում 2020 թ. ապրիլի 24-ին Հայոց ցեղասպանության զոհերի հիշատակի օրվան նվիրված Բայդենի հայտարարությունը, որով նա խոստացել էր «սատարել Հայոց ցեղասպանությունը ճանաչող բանաձևին»` նշելով, որ քանի որ «Կոնգրեսն արդեն իր դիրքորոշումը հստակ ասել է, ժամանակն է, որ գործադիր իշխանությունը նույնպես դա անի»:
Տաթև Ֆռանգյան
