30.06.2026 | 15:30
Հայաստանի և Ադրբեջանի միջև Հարավսլավիայի մոդելով անհետ կորածների տվյալների բազա կստեղծվի․ ICMP-ի գլխավոր տնօրեն
Հռոմի Պապի այցն Իրաք պատմական է. Բայդեն
Քաղաքականություն
08.03.2021 | 22:33
Հռոմի պապ Ֆրանցիսկոսի այցը պատմական և ողջունելի էր նախ երկրի համար, նշված է Սպիտակ տան տարածած հաղորդագրության մեջ:
«Իրաքը երկիր է, որը կրոնական և էթնիկապես բազմազան է: Այստեղ է գտնվում նաև աշխարհի ամենահին և բազմազան քրիստոնեական համայնքներից մեկը:
Հռոմի Պապ Ֆրանցիսկոսի այցը պատմական և ողջունելի էր նախ երկրի համար: Դա մի կարևոր ուղերձ է, ինչպես ինքն ասաց Ֆրանցիսկոս Պապը, որ «եղբայրությունն ավելի դիմացկուն է, քան եղբայրասպանությունը, որ հույսն ավելի զորեղ է, քան մահը, և որ խաղաղությունն ավելի հզոր է, քան պատերազմը»:
Տեսնելու համար, որ Հռոմի Պապ Ֆրանցիսկոսը այցելում է հնագույն կրոնական վայրեր՝ ներառյալ Աբրահամի բիբլիական ծննդավայրը, ժամանակ անցկացնում Մեծ Այաթոլլա Ալի ալ-Սիստանիի հետ Նաջաֆում և աղոթում Մոսուլում, մի քաղաք, որն ընդամենը մի քանի տարի առաջ դիմանում էր անհանդուրժողականությանը, դա հույսի խորհրդանիշ է ամբողջ աշխարհի համար:
Ես շնորհավորում եմ Իրաքի կառավարությանը և ժողովրդին` այս հուշարձանային այցի կազմակերպման գործում ցուցաբերած հոգատարության և պլանավորման համար, և շարունակում եմ հիանալ Հռոմի Պապ Ֆրանցիսկոսով` նվիրված կրոնական հանդուրժողականությանը, մեր մարդկության ընդհանուր կապերին և միջկրոնական փոխըմբռնմանը»,- նշված է հաղորդագրությունում:
