17.09.2026 | 11:43
Ալեն Սիմոնյանն ու Իտալիայի ԱԳ նախարարի տեղակալը քննարկել են տնտեսական համագործակցության ակտիվացումը
Քայլերթ հանուն կանանց իրավունքների․ Թուրքիայում ու Ադրբեջանում արգելել են կանանց իրավունքների պաշտպանությանը նվիրված միջոցառումները
Քաղաքականություն
08.03.2021 | 12:48
Ողջ աշխարհում այսօր՝ մարտի 8-ին, Կանանց միջազգային օրվա առթիվ կանանց իրավունքների պաշտպանությանը նվիրված ակցիաներ են կազմակերպվում, գրում է BBC-ի ռուսական ծառայությունը։ Սակայն որոշ երկրներում նախատեսված միջոցառումներն արգելվել են:
Այսպես՝ Ադրբեջանում մտադրվել են քայլերթ իրականացնել Բաքվում, սակայն երկրի իշխանությունները նախազգուշացրել են, որ ակցիան արտոնված չէ ու կկանխվի ոստիկանության աշխատակիցների կողմից։
Թուրքիայի ֆեմինիստները պլանավորել են քայլերթով անցնել Ստամբուլով, սակայն այստեղ ևս իշխանություններն արգելել են նման միջոցառումները։ Անցյալ տարի Թուրքիայում Կանանց միջազգային օրը ցույցեր անցկացնելու փորձն ավարտվել է արցունքաբեր գազի կիրառմամբ ու ոստիկանության կողմից Ստամբուլի կենտրոնը փակելով։
Իսկ ահա Լեհաստանում բողոքի ցույցեր կլինեն՝ ընդդեմ աբորտը սահմանափակող նոր օրենքի:
Իսպանիայի մայրաքաղաք Մադրիդում էլ տեղի կունենա կանանց համերաշխության ակցիա՝ չնայած կորոնավիրուսի համաճարակի պատճառով սահմանված սահմանափակումների: Իշխանությունները թույլատրել են ցույցեր անցկացնել մինչև 500 մարդու մասնակցությամբ:
Տաթև Ֆռանգյան
