15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ՌԴ-ից Մատաղիս՝ ծառայության, զենքից՝ կիթառ․ կյանքը պատերազմից հետո․ ՏԵՍԱՆՅՈՒԹ
07.03.2021 | 17:00
Էդգարի առաջին դասից մեկ ամիս էլ չի անցել, բայց արդեն կիթառը համարում է իրենը։ Որոշել է՝ հենց ավելի հմուտ լինի, մեքսիկական ու իտալական ելևէջներով է սիրո խոստովանություն անելու։
Ռուսաստանից Մատաղիս՝ ծառայության, պատերազմի դաշտից՝ կիթառի դասերի։ Էդգար Գևորգյանն է, 23 տարեկան։
Մասնագիտությամբ խոհարար Էդգարը դեռ չգիտի՝ ինչով է զբաղվելու, երբ ամբողջությամբ ապաքինվի, բայց վստահ է՝ կիթառն այսուհետ իր տեղն ունենալու է։
Էդգարը Վահագնի 5 աշակերտներից մեկն է։ Վահագնը որոշել է՝ Զինվորի տան տրամադրությունը փոխելու է նաև կիթառի հնչողությամբ։ Տղաների հետ շաբաթը մեկ անգամ է հանդիպում։ Արդեն ոչ միայն սովորում են, այլև ստեղծագործում։
Իսկ Էդգարի թերահավատ ժպիտին վստահությամբ հակադարձում է․ իրենց՝ դեռևս գրվող ստեղծագործությունը մի օր ավելի մեծ սրահում են ներկայացնելու, ավելի շատ ունկնդիրների։
Մանրամասները՝ տեսանյութում։
Իրինա Մկրտչյան
