30.06.2026 | 16:03
ՌԴ-ում տաքսու վարորդներն ավելի քիչ են աշխատանքի դուրս գալիս՝ վառելիքային ճգնաժամի ֆոնին
Իրանն ու ԵՏՄ-ն ազատ առևտրի գոտու հարցով բանակցություններ կսկսեն
Քաղաքականություն
05.03.2021 | 18:22
Իրանի Իսլամական Հանրապետությունը և Եվրասիական տնտեսական միությունը (ԵՏՄ) շուտով բանակցություններ կսկսեն Ազատ առևտրի համաձայնագրի իրականացման շուրջ:
Այս մասին ուրբաթ օրը հայտարարել է Իրանի արտաքին գործերի փոխնախարար Ռասուլ Մոհաջերը, գրում է «Իռնա» գործակալությունը: Մոհաջերը նշել է Իրանի ու ԵՏՄ-ի միջև ապրանքաշրջանառության աճը:
«Վերջին մեկ տարվա ընթացքում ռուս-իրանական առևտրի ծավալը կազմել է 350 մլն դոլար, որից շուրջ 90% -ը բաժին է ընկնում գյուղմթերքի առևտրին», – ասել է դիվանագետը:
Նրա խոսքով ՝ Եվրասիական տնտեսական միության և Իսլամական Հանրապետության միջև ազատ առևտրի գոտու ձևավորմանը տանող ժամանակավոր համաձայնագրի շնորհիվ Իրանի ու միության անդամ երկրների միջև ապրանքաշրջանառությունը շարունակում է աճել:
Հիշեցնենք՝ 2018 թվականի մայիսի 17-ին Աստանայում ստորագրվել է Եվրասիական տնտեսական միության անդամ երկրների և Իրանի միջև ազատ առևտրի գոտու ձևավորմանը հանգեցնող միջանկյալ համաձայնագիրը, որը սահմանում է ԵՏՄ-ի և Իրանի միջև առևտրի հիմնական կանոնները, որքան հնարավորինս մոտեցվել են Առևտրի համաշխարհային կազմակերպության սահմանած կանոններին: Համաձայնագիրն ուժի մեջ է մտել 2019 թվականի հոկտեմբերի 27-ից:
Տաթև Ֆռանգյան
