11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Իսրայելը պատրաստ է խանգարել Իրանի միջուկային ծրագրի իրականացմանը
Քաղաքականություն
05.03.2021 | 16:42
Իսրայելն անհրաժեշտության դեպքում պատրաստ կլինի միակողմանի կերպով խանգարել Իրանի միջուկային ծրագրի իրականացմանը։ Fox News -ին տված հարցազրույցում նման հայտարարությամբ է հանդես եկել Իսրայելի Պաշտպանության նախարար Բենի Հանցը։
Հաղորդավարը նրան խնդրել է մեկնաբանել Իսրայելի պաշտպանության բանակի գլխավոր շտաբի պետ Ավիվ Կոխավիի խոսքերը, ով ավելի վաղ հանձնարարել էր նախապատրաստել մի քանի օպերատիվ ծրագիր ընդդեմ Իրանի՝ ի հավելումն արդեն առկա ծրագրերին։ Նա նշել է, որ հրեական պետության ղեկավարությունը պետք է հարվածներ հացնելու հնարավորություն ունենա։
Հանցի խոսքով՝ նման ծրագրերը «կմշակվեն ու կկատարելագործվեն» այնքան ժամանակ, քանի դեռ ստիպված չեն լինի դրանք կյանքի կոչել։
«Իրանցիները խախտել են նրանց հետ կնքված բոլոր պայմանավորվածությունները»,- ընդգծել է Իսրայելի ՊՆ ղեկավարը։
«Միջուկային զենք մշակելու Իրանի ձգտումներին պետք է խանգարել։ Շատ լավ կլինի, եթե ստացվի դա անել խաղաղության ջանքերի շրջանակում։ Սակայն հակառակ դեպքում մենք պարտավորված կլինենք գործել անկախ ու պաշտպանվենք ինքներս»,- նշել է նա։
Ավելի վաղ Իսրայելի վարչապետ Բինյամին Նեթանյահուն ևս հարցազրույց է տվել Fox News-ին, որում ընդգծել է, որ երկիրն արել է հնարավոր ամեն բան, որպեսզի խանգարի Իրանի կողմից միջուկային զենքի ստացումը։
Տաթև Ֆռանգյան
