26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Քադիրովը սուտ է որակել Նեմցովի սպանության մասնակիցների կապը չեչենների հետ
Քաղաքականություն
05.03.2021 | 13:33
Չեչնիայի ղեկավար Ռամզան Քադիրովը սուտ է որակել այն տեղեկությունը, թե Բորիս Նեմցովի սպանության պատասխանատուները հանցագործության օրը հեռախոսազրույցներ են ունեցել չեչեն քաղաքական գործիչների հետ, գրում է BBC-ի ռուսական ծառայությունը։
«Այս օրերին մի շարք ԶԼՄ-ներ, հղում կատարելով ինչ-որ կասկածելի գործակալության հետաքննության ինչ-որ մանրամասների, կրկին չեչենի ականջներից են կապել Նեմցովի սպանության հետ կապված իրադարձությունները։ Այս անգամ տառեր գրողների երևակայությունը հասել է մինչև Պետդումայի պատգամավոր Ադամ Դելիմխանովին ու սենատոր Սուլեյման Գերեմեևին։ Գրում են, թե սպանության օրը Սուլեյմանին ու Ադամին են զանգահարել հանցագործության մասնակիցները»,- թելեգրամում գրել է Քադիրովը։
Նրա խոսքով՝ Արևմուտքն ու նրա ենթակայության տակ գտնվող մարդիկ բազմիցս հայտարարում են այս կամ այն իրադարձությունների հետ չեչենների կապ ունենալու մասին, քանի որ «չեչենները պատրաստ են իրենց կյանքը տալ հանուն Ռուսաստանի»։
Մարտի 1-ին «Մեդիազոնա» հրատարակչությունը մի հոդված էր հրապարակել, որում ներկայացվել է Նեմցովի սպանության ենթադրյալ մասնակիցների գործողությունների ժամանակագրությունը։
Տաթև Ֆռանգյան
