19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Կապույտ վառելիքը կհասնի Ագարակ, Մեղրի և Լեհվազ բնակավայրեր. Սուրեն Պապիկյան
Տնտեսություն
04.03.2021 | 21:53
Ավարտին են մոտենում Ագարակ, Մեղրի և Լեհվազ բնակավայրերի ամբողջական գազաֆիկացման աշխատանքները, այս մասին ֆեյբուքյան էջում գրում է ՀՀ Տարածքային կառավարման և ենթակառուցվածքների նախարար Սուրեն Պապիկյանը:
Դեռևս երկու տարի առաջ վարչապետ Նիկոլ Փաշինյանի գլխավորությամբ Սյունիքի մարզ կատարած այցի ընթացքում բնակիչներին խոստացանք մինչև 2021թ․ իրականացնել Մեղրիի երեք խոշոր բնակավայրերի գազաֆիկացման ծրագիրը՝ ընդգրկելով նաև Լեհվազ բնակավայրը։
Առաջիկա երկու ամիսներին աշխատանքներն ամբողջությամբ կավարտվեն, և կապույտ վառելիքը հասանելի կլինի Մեղրիի շուրջ 9700 բնակչի։
Բացի բնակիչներից` ծրագրի շահառու են նաև 38 տնտեսվարող, 3 դպրոց և 5 մանկապարտեզ, որոնք ևս կապահովվեն բնական գազով: Աշխատանքներն իրականացվում են ՏԿԵՆ Հայաստանի տարածքային զարգացման հիմնադրամի միջոցով` կառավարության ֆինանսավորմամբ։ Մեղրի քաղաքում կառավարության ներդրումը կազմում է շուրջ 72.5 միլիոն դրամ, Լեհվազ բնակավայրում` շուրջ 56 միլիոն դրամ և Ագարակ բնակավայրում` 128.9 միլիոն դրամ: Ընդհանուր առմամբ 19816 գծամետր խողովակաշարի մոնտաժման համար ներդրվել է շուրջ 257,5 միլիոն դրամ։
