11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Շուռնուխի նոր ճանապարհի նախագծումն ավարտված է. ՏԵՍԱՆՅՈՒԹ
Քաղաքականություն
04.03.2021 | 11:33
Կառավարության այսօրվա նիստում Քաղաքաշինության կոմիտեի նախագահ Արմեն Ղուլարյանը ներկայացրեց, թե ինչ փուլում են շինարարական աշխատանքները սահմանամերձ համայնքներում:
«Չինարիում բնակելի տունն արդեն ծածկված է, հիմնական շինարարական աշխատանքներն ավարտված են: Տրամադրվող շուրջ 30 միլիոնով կավարտվեն ներքին հարդարման, անասնագոմի, ցանկապատի բարեկարգման աշխատանքները, մինչև աշուն աշխատանքները կավարտվեն:
Այգեպարում աշխատանքներն ընթացքի մեջ են, դրանք իրականացվում են մարզպետարանի միջոցներով: Այս հատկացումներով կվճարվեն կատարված աշխատանքների դիմաց, և կիրականացվեն մյուս աշխատանքները, որոնք կավարտվեն մինչև տարեվերջ»,- նշեց Ղուլարյանը
Նա նաև տեղեկացրեց, որ Շուռնուխի բնակելի տների նախագծերը կավարտվեն մինչև մարտի վերջ: «Հիմա ընթանում են պայմանագրերի կնքման աշխատանքները նախագծողի, շինարարի և տեղհսկողի հետ, իսկ ճանապարհի նախագծման աշխատանքներն ավարտված են, շինարարությունն ընթանում է: Այսօր էլ նորից խոսել եմ շինարարի հետ, կմեկնենք տարածք ու կակտիվացնենք աշխատանքները, որ մինչև տարվա վերջ բնակելի տները պատրաստ լինեն»,- նշեց Ղուլարյանը:
