09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Կառավարության նիստերը այլևս դռնփակ կլինեն. օրինագիծը կներկայացվի ԱԺ
Քաղաքականություն
01.02.2018 | 10:49
ՀՀ կառավարությունն այսօր հավանության արժանացրեց «Կառավարության կառուցվածքի և գործունեության մասին» օրենքի նախագիծը, որն օրենքով սահմանված կարգով կներկայացվի ԱԺ: Կառավարության նիստում օրենքի նախագիծը ներկայացնող արդարադատության նախարար Դավիթ Հարությունյանը, նշելով առաջարկվող փոփոխությունները, հայտնեց նաև, որ օրենքով սահմանվել է, որ կառավարության նիստերը դռնփակ կանցկացվեն:
Նախարարը նաև հիշեցրեց՝ կառավարության ղեկավարը պետք է ապահովի կառավարության գործուննեության հրապարակայնությունը: Օրենքի նախագծի 10-րդ հոդվածով սահմանվում է, որ կառավարության նիստերը դռնփակ են, սակայն վարչապետի որոշմամբ նիստի մի մասը կարող է անցկացվել դռնբաց:
Նախագծում ասվում է՝ կառավարության անդամն իրավունք չունի առանց վարչապետի թույլտվության տեղեկատվություն հրապարակել կառավարությունում քննարկված որևէ հարցի քննարկման ընթացքի մասին: Կառավարության նիստերն արձանագրվում են վարչապետի աշխատակազմի կողմից: Նիստի արձանագրությունը կամ դրամի մասը վարչապետի հանձնարարությամբ կարող է հրապարակվել:
Նկատենք՝ այժմ կառավարության նիստերն անցկացվում են դռնբաց ռեժիմով։
