07.10.2026 | 23:48
Արթուր Դանիելյանը կալանավորվեց
Հայկական տաղավարը դատարկ չի եղել, լցված է եղել գիտելիքով․ Հակոբ Արշակյան. ՏԵՍԱՆՅՈՒԹ
Հասարակություն
03.03.2021 | 16:46
ՀՀ Ազգային ժողովում Կառվարության անդամները պատասխանում են պատգամավորների հարցերին:
«Լուսավոր Հայաստան» խմբակցության պատգամավոր Կարեն Սիմոնյանը հետաքրքրվեց, թե Աբու Դաբիում տեղի ունեցած ռազմարդյունաբերական ցուցահանդեսին, որին, ըստ նրա, մեր երկիրը պատշաճ չկարողացավ ներկայանալ լոգիստիկ խնդիրների պատճառով, և այդ կապակցությամբ նշանակվեց ծառայողական քննություն, ինչ փուլում է քննությունը, ինչ արդյունքներ է տվել:
Բարձր տեխնոլոգիական արդյունաբերության նախարար Հակոբ Արշակյանը նշեց. «Ցուցահանդեսին հայկական միասնական տաղավարով ենք հանդես եկել, 4 տասնյակից ավելի ռազմարդյունաբերողներ են մասնակցել, 14 ընկերություն: Մեր տաղավարը ամենագեղեցիկ տաղավարներից է եղել: Էքսպոնատները, որոնք լոգիստիկ խնդիրների պատճառով տեղ չեն հասել, ռազմարդյունաբերական ցուցահանդեսին ներկայացվող ցուցանմուշների մի մասն են: Այն էքսպոնատներն են, որոնք տեսք են տալիս և պրոդուկտի տեսքն են ներկայացնում հենց տաղավարներում: Որակումներ են հնչել, որ ցուցահանդեսի տաղավարը դատարկ է: Այս որակումներից պետք է խուսափել, որովհետև ցուցահանդեսի մասնակցության բովանդակային մասը ապահովում են թե՛ ընկերությունները՝ իրենց գիտելիքներով, թե՛ այն մասնագետները, որոնք նոր շուկաներ են ման գալիս ու գտնում»:
Նախարարը նաև հավաստիացրեց, որ բազմաթիվ պայմանավորվածություններ են ձեռք բերվել, և հրավերներ կան բազմաթիվ ընկերություններից:
Նախարարը հավելեց, որ ծառայողական քննությունը դեռ հանգուցալուծում չի ստացել. «Դրա արդյունքները կտրամադրվեն գործընկերներին»:
Պատգամավորն արձագանքեց. «Պատասխանատվությունը կրում եք դուք, ո՞ւմ եք ուզում պատժել»:
Մանրամասները՝ տեսանյութում:
