19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ
Հարգանք ունեցեք և հիշեցրեք, թե ինչ օր էր այդ օրը․ Սոնա Ղազարյանը՝ Վարդազարյանին. ՏԵՍԱՆՅՈՒԹ
Քաղաքականություն
03.03.2021 | 12:36
«Իմ քայլը» խմբակցության պատգամավոր Սոնա Ղազարյանն ԱԺ նիստում ընթերցեց ԲԴԽ նախագահ Ռուբեն Վարդազարյանի՝ նոյեմբերի 15-ի հայտարարությունից մի հատված. «Այսօր է, թերևս, առարկայական ու վերջնական տրվելու շուրջ երկու տարի ողջ հանրությանը ալեկոծած և դատավորներիս համար ամոթալի չարաբաստիկ հարցի պատասխանը. մենք պատերի տակ վնգստացող դատավորնե՞ր ենք, թե՞ հայրենիքին նվիրված ազնիվ պրոֆեսիոնալներ»։
Պատգամավորը հետաքրքրվեց, թե ինչ օր էր այդ օրը, և ինչպես է հնարավոր առարկայական և վերջնական տալ այդ հարցի պատասխանը:
ԲԴԽ նախագահը հրաժարվեց պատասխանել՝ ասելով, որ կրկնող հարցերին չի պատասխանելու, քանի որ նույն պատասխանն է տալու:
Սոնա Ղազարյանը պնդեց. «Հարգանք ունեցեք ԱԺ-ի և ՀՀ քաղաքացիների նկատմամբ և հիշեցրեք, թե ինչ օր էր այդ օրը»:
ԲԴԽ նախագահը հիշեցրեց, որ այդ օրը ալեկոծվում էր հայ հասարակությունը, կրքերը բորբոքված էին, և ինքը կատարել է զսպվածության կոչ:
Մանրամասները՝ տեսանյութում:
