11.12.2025 | 23:40
Կոնֆերենցիաների լիգա․ «Նոան» հաղթեց «Լեգիային» ու մոտ է փլեյ-օֆֆի ուղեգրին
«Թումո» կենտրոն կբացվի նաև Ջավախքում
Քաղաքականություն
02.03.2021 | 22:40
«Թումո» կենտրոնի ծրագիրը հասանելի կդառնա Ջավախքի պատանիների համար: «Թումո»-ի և Հայ օգնության միության Ջավախքի միավորի համագործակցության շնորհիվ կենտրոնի կրթական ծրագիրը շուտով կգործի Վրաստանի Ախալքալաք քաղաքում, գրում է aliq.ge-ն:
Ըստ տեղեկության՝ Ախալքալաքի պատանիները կապահովվեն անվճար նորարարական կրթությամբ ու անհրաժեշտ սարքավորումներով` ինքնուսուցումն անելով տեղում, իսկ դասընթացներն ու աշխատարանները՝ «Թումո Գյումրի»-ում: Այստեղ կգործի «Թումո»-ի ամբողջական կրթական փորձառությունը. ուսանողները կծանոթանան 14 կրթական ոլորտներին` ռոբոտաշինությունից մինչև անիմացիա:
Դասընթացների փուլում նրանց հետ կաշխատեն «Թումո»-ի մասնագետները՝ ապահովելով կրթության նույն որակը, ինչ բոլոր կենտրոններում: «Թումո»-ի ծրագիրը ախալքալաքցի պատանիների համար հասանելի է լինելու հայերեն և անգլերեն լեզուներով: Սկզբնական շրջանում ուսմանը կկարողանա մասնակցել 160 պատանի:
Հայտնի է, որ մոտակա շաբաթների ընթացքում կավարտվեն տարածքի վերանորոգման և տեխնիկական ապահովման աշխատանքները, իսկ գրանցման և առաջին դասերի մեկնարկը կտրվի ապրիլին:
