07.10.2026 | 23:48
Արթուր Դանիելյանը կալանավորվեց
2 դատավորի ազատումը բավարա՞ր է մարդկանց վստահությունը վերականգնելու համար. Մակունցը՝ ԲԴԽ նախագահին. ՏԵՍԱՆՅՈՒԹ
Քաղաքականություն
02.03.2021 | 16:46
«Քանի՞ դատավորի լիազորություններ են դադարեցվել Ձեր պաշտոնավարման ընթացքում: ԱԺ այսօրվա նիստում, դիմելով ԲԴԽ նախագահ Ռուբեն Վարդազարյանին, հետաքրքրվեց «Իմ քայլը» խմբակցության ղեկավար Լիլիթ Մակունցը:
Ռուբեն Վարդազարյանը նշեց, որ երկու դատավորի լիազորություններ են դադարեցվել մեկուկես տարվա ընթացքում:
«2 դատավորի ազատումը բավարա՞ր է մարդկանց վստահությունը վերականգնելու համար»,- հարցրեց Լիլիթ Մակունցը:
Վարդազարյանը պատասխանեց, որ այդ հարցը քաղաքական է, և հավելեց, որ ԲԴԽ-ն չի նախաձեռնում դատավորների նկատմամբ կարգապահական վարույթ, այլ քննում է այն վարույթները, որոնք ներկայացվում են արդարադատության նախարարության, Դատավորների ընդհանուր ժողովի կարգապահական և էթիկայի հարցերի հանձնաժողովի և Կոռուպցիայի կանխարգելման հանձնաժողովի կողմից:
«Եկած վարույթներից այդ երկուսն են եղել, որի դեպքում դատավորի կողմից խախտումը համատեղելի չի եղել դատավորի պաշտոնավարման հետ, և լիազորությունները դադարեցվել են»,- նշեց ԲԴԽ նախագահը:
Մանրամասները՝ տեսանյութում:
