27.08.2026 | 09:39
Էդուարդ Սպերցյանի գոլային փոխանցումն օգնել է «Ալ Ահլիին». ՏԵՍԱՆՅՈՒԹ
«Ի՞նչ է նշանակում՝ հայտարարությունը քաղաքական կոմպոնենտ չի ունեցել․ մի՛ վիրավորեք մեր բանականությունը». Ռուբեն Ռուբինյան
Քաղաքականություն
02.03.2021 | 16:35
Դուք իհարկե ունեք արդարանալու իրավունք, բայց մի՛ վիրավորեք մեր բանականությունը: Ի՞նչ է նշանակում՝ հայտարարությունը քաղաքական կոմպոնենտ չի ունեցել»,- Այս մասին ԱԺ նիստումասաց ԱԺ «Իմ քայլը» խմբակցության պատգամավոր Ռուբեն Ռուբինյանը՝ դիմելով ԲԴԽ նախագահ Ռուբեն Վարդազարյանին, հիշեցնելով նոյեմբերի 15-ի նրա հայտարարությունը:
Պատգամավորի դիտարկմամբ՝ այդ հայտարարությունն ուներ հետևյալ համատեքստը՝ այսքան դիմացել ենք, ժամանակն է, մի՛ զսպվեք: «Կարո՞ղ է ձեր կոչը ոչ թե զսպվելու, այլ չզսպվելու կոչ էր: Ըստ իս՝ դուք տապալել եք ձեր առաքելությունը որպես ԲԴԽ նախագահ: Դուք անցել եք քաղաքականության գիծը: Բայց մի՛ վիրավորեք մեր բանականությունը:
Հաշվի առնելով այս ամենը՝ մտածե՞լ եք արդյոք հրաժարականի մասին: Եթե չեք մտածել, արդյոք չե՞ք կարծում, որ կարելի է սկսել մտածել այդ ուղղությամբ»,- նշեց Ռուբինյանը:
«Շատ հստակ պատասխանեմ՝ ո՛չ, չեմ մտածել: Արդյոք ժամանա՞կն է, թե՞ ոչ: Թույլ տվեք ես՝ ինքս, ընտրեմ այդ ժամանակը»,- նշեց Վարդազարյանը:
Մանրամասները՝ տեսանյութում:
