30.06.2026 | 15:55
Հայաստանը մեկ տարով երկարաձգել է մի շարք երկրների քաղաքացիների համար առանց վիզայի մուտքի ռեժիմը
Ինչո՞ւ չեք ներկայանում խորհրդարան և պատասխանում պատգամավորների հարցերին․ Թովմասյանը՝ Վարդազարյանին. ՏԵՍԱՆՅՈՒԹ
Քաղաքականություն
02.03.2021 | 16:15
Ինչո՞ւ չեք ներկայանում խորհրդարան և պատասխանում պատգամավորների հարցերին: Այսօր Բարձրագույն դատական խորհրդում նոր անդամներ են ներգրավվել, և կարծեք էլի արշալույսները խաղաղ չեն: Ազգային ժողովում դիմելով Բարձրագույն դատական խորհրդի նախագահ Ռուբեն Վարդազարյանին` այս հարցերն ուղղեց ԱԺ պատգամավոր Թագուհի Թովմասյանը:
«Կուզենայի մանրամասնեք, թե ինչ է կատարվում ԲԴԽ-ում, միմյանց դատի՞ եք տալիս, նոր անդամին չե՞ք ընդունում»,- հարցրեց պատգամավորը:
Ռուբեն Վարդազարյանը պատասխանեց, որ ԲԴԽ-ում շատ առողջ, կառուցողական մթնոլորտ է: «ԲԴԽ-ում նոր անդամների հետ որևէ խնդիր չկա, նոր անդամները մասնակցում են նիստերին, եթե իրենց հարցնեք, իրենք էլ կհավաստեն, որ առողջ մթնոլորտից բացի կառուցողական մթնոլորտ է»,-ասաց նա և վստահություն հայտնեց, որ հետագա աշխատանքը ևս արդյունավետ է լինելու:
Թագուհի Թովմասյանը նկատեց, որ ԲԴԽ-ի ներսում իրավական գործընթացներ են տեղի ունենում:
ԲԴԽ նախագահը տեղեկացրեց, որ դատավորներից մեկն իր դեմ հայցով դիմել է վարչական դատարան, այն հիմքով, որ ԲԴԽ նախագահը հայտարարություն տարածի Գագիկ Ջհանգիրյանի տարիքը լրանալու հիմքով նրա լիազորությունները դադարեցնելու մասին:
«Ես, ունենալով նման լիազորություն՝ այդ հայտարարությունը չեմ տարածել, և վարչական դատարանը կորոշի այդ ելքը»,- ասաց Վարդազարյանը:
Մանրամասները՝ տեսանյութում:
