01.04.2026 | 16:06
Փորձում են ձևավորել վախի մթնոլորտ. «Միասնության թևեր»-ն ահազանգում է. ՏԵՍԱՆՅՈՒԹ
Սպիտակավոր Սուրբ Աստվածածին վանքի խաչքարը վնասած տղամարդը խոստովանական բացատրություն է տվել
Հասարակություն
01.03.2021 | 22:34
Փետրվարի 26-ին ոստիկանության Եղեգնաձորի բաժին տեղեկություն էր ստացվել, որ Վայոց ձորի մարզի պատմության և մշակույթի անշարժ հուշարձանների պետական ցուցակի՝ Գլաձոր համայնքում հաշվառված Վանական համալիր Սպիտակավոր Սուրբ Աստվածածին հանրապետական նշանակության հուշարձանը անհայտ անձը վնասել է։ Այս մասին հաղորդում է ՀՀ ոստիկանության մամուլի ծառայությունը։
Հաղորդագրության համաձայն՝ ձեռնարկված օպերատիվ-հետախուզական միջոցառումների շնորհիվ պարզվել է, որ Երևանի 51-ամյա բնակիչը 2020 թ. հոկտեմբերին, քարով քերելով, դիտավորությամբ վնասել էր հուշարձանի հարավային պատի բարձրաքանդակ խաչքարի թևերի վրա քանդակված զարդանախշերը:
Փաստի առթիվ հարուցվել է քրեական գործ։ Տղամարդը ներգրավվել է որպես կասկածյալ և տվել խոստովանական բացատրություն:
Կատարվում է նախաքննություն։
