11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Ռեկտորները վախեցան մտնել ԱԺ շենք․ ինչու չի կայացել խորհրդարանական աշխատանքային քննարկումը
Քաղաքականություն
01.03.2021 | 16:28
Ազգային Ժողովում այսօր ժամը 15:00-ին նախատեսված էր աշխատանքային քննարկում, որը կազմակերպել էր ԱԺ անկախ պատգամավոր Թագուհի Թովմասյանը: Նիստին պետք է մասնակցեին ՀՀ բարձրագույն ուսումնական հաստատությունների ռեկտորները, Գիտությունների ազգային ակադեմիայի նախագահը, ակադեմիական ոլորտի այլ ներկայացուցիչներ: Ավելի ուշ տեղեկացանք, որ աշխատանքային քննարկումը չի կայացել:
Factor.am-ը նիստի հետաձգման պատճառների հետ կապված փորձեց պարզաբանում ստանալ պատգամավոր Թագուհի Թովմասյանից։
«Ինձ տեղեկացրին, որ ռեկտորները վախենում են գալ ԱԺ։ Պատճառների մասին հետաքրքրվեցի ռեկտորների միության նորընտիր նախագահ, Գավառի պետական համալսարանի ռեկտոր Ռուզաննա Հակոբյանից, որը տեղեկացրեց, որ օրը խորհրդանշանական է՝ Մարտի 1-ն է, և նախատեսված է երկու հանրահավաք, ուստի ռեկտորները վախենում են մտնել խորհրդարանի շենք: Հետևաբար, խնդրել են հանդիպումը չկայանա կամ կայանա այլ վայրում: Այլ վայրում քննարկումը կազմակերպելուն ես, բնականաբար, չէի կարող համաձայնել, քանի որ ձևաչափով նախատեսված էր խորհրդարանական աշխատանքային քննարկում: Հետևաբար, իմ կամքից անկախ պատճառներով և ռեկտորների որոշման արդյունքում, նաև իրենց համար կարևորագույն հարցի քննարկումը չկայացավ»,- մանրամասնեց պատգամավորըս:
Մերի Մարտիրոսյան
