16.09.2026 | 20:19
Անկախության տոնի առթիվ Երևանում նախատեսվում են երթևեկության սահմանափակումներ
Հայտնի են «Ոսկե գլոբուս» մրցանակի դափնեկիրների անունները
Քաղաքականություն
01.03.2021 | 14:54
ԱՄՆ-ում կայացել է Մամուլի միջազգային ասոցիացիայի (HFPA) 78-րդ մրցանակաբաշխությունը: Համաճարակի պատճառով այն տեղի է ունեցել տեսակոնֆերանսի ձևաչափով: Այն միաժամանակ վարել են Նյու Յորքի Ռոքֆելլեր կենտրոնի հանդիսությունների սրահից և Լոս Անջելեսի Բեվերլի Հիլթոն հյուրանոցից, գրում է BBC-ի ռուսական ծառայությունը։
Լավագույն դրամատիկ ֆիլմ նոմինացիայում «Ոսկե գլոբուս» է ստացել «Քոչվորների երկիրը»: Ֆիլմի ստեղծողը՝ չինուհի Քլոյ Չժաոն ստացել է «Լավագույն ռեժիսոր» մրցանակը։
«Լավագույն մինի սերիալ» է ճանաչվել «Թագուհու քայլը», իսկ «Լավագույն դրամատիկ սերիալ»՝ «Թագը» հեռուստանովելը, «Լավագույն կոմեդիա կամ մյուզիքլ» է ճանաչվել «Բորատ 2»-ը, որի ռեժիսորն է Ջեյսոն Ուոլիները։
Կնոջ լավագույն դերի համար մրցանակ է տրվել Անդրա Դեյին: Նա մրցանակի է արժանացել «Միացյալ Նահանգներն ընդդեմ Բիլի Հոլիդեյի» ֆիլմում կերտած կերպարի համար:
Լիամետրաժ անիմացիոն ֆիլմի համար մրցանակի են արժանացել «Հոգի» ժապավենի ստեղծողները։
«Թագը» դարձել է երեկոյի հաղթողը՝ ընդհանուր առմամբ ստանալով չորս մրցանակ: Ջոշ Օ՛Քոնորը և Էմմա Քորրին արժանացել են «Դրամատիկական սերիալում լավագույն դերասան / դերասանուհի» մրցանակին ՝ արքայազն Չարլզի և արքայադուստր Դիանային մարմնավորելու համար:
Տաթև Ֆռանգյան
