19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Թբիլիսիում ընդդիմությունը բողոքի երթով շարժվել է դեպի Իվանիշվիլիի նստավայր
Քաղաքականություն
01.03.2021 | 14:03
«Հանուն Վրաստանի» շարժման ակտիվիստները և ընդդիմության ներկայացուցիչները բողոքի երթ են կազմակերպել Թբիլիսիի կենտրոնական Ռուսթավելի պողոտայում տեղադրված վրանային ճամբարից դեպի Սոլոլակիում գտնվող «Վրացական երազանք» կուսակցության հիմնադիր, միլիարդատեր Բիձինա Իվանիշվիլիի նստավայր, գրում է Sputnik Georgia-ն։
Ցուցարարների հիմնական պահանջը արտահերթ խորհրդարանական ընտրությունների անցկացումն է, քաղբանտարկյալների ազատ արձակումն ու ընտրական համակարգի բարեփոխումը:
Ցուցարարները հայտարարել են, որ Բիձինա Իվանիշվիլիի հեռացումը քաղաքականությունից միայն ֆորմալ բնույթ է կրում․ նա շարունակում է ղեկավարել երկրում բոլոր գործընթացները։ Հենց այս պատճառով էլ նրանք գնում են նրա նստավայր ՝ իրենց բողոքն արտահայտելու:
Բողոքի երթի մասնակիցներն իրենց ձեռքերում պահում են փուչիկներ և պաստառներ: Իվանիշվիլիի նստավայրի մատույցներում մոբիլիզացվել են ոստիկանության աշխատակիցներ:
Ակցիայի մասնակիցները վանկարկում են «Հեռացիր, հեռացիր» և պահանջում են, որպեսզի ոստիկանությունը թույլ տա մոտենալ միլիարդատիրոջ նստավայրին։
Տաթև Ֆռանգյան
