18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Նախագահը չազատեց Օնիկ Գասպարյանին, հակադիր 2 ցույց գրեթե նույն ժամին Երևանում. Լուրեր
Քաղաքականություն
01.03.2021 | 12:30
Այսօր 2008թ. մարտի 1-ի ողբերգական դեպքերի տարելիցն է։ Նախագահի անունից առավոտյան ծաղիկներ են դրվել Մյասնիկյանի արձանի մոտ՝ զոհերի հիշատակին։ Իշխանությունը և ընդդիմությունը այսօր նախատեսում են ակցիաներ իրականացնել։ Վարչապետ Նիկոլ Փաշինյանը իր կողմնակիցներին ժամը 18։30 հրավիրել է Հանրապետության հրապարակ՝ հանրահավաքի և երթի։ Իսկ Հայրենիքի փրկության շարժում նախաձեռնությունը իր համակիրներին ժամը 18։00 հրավիրել է Բաղրամյան պողոտա՝ հանրահավաքի։
—
Հայաստանի զինված ուժերի գլխավոր շտաբի պետի պաշտոնից Օնիկ Գասպարյանի ազատումը դեռ ստորագրված չէ։ Հրապարակվել են նախագահ Արմեն Սարգսյանի առարկությունները ՀՀ ԶՈՒ ԳՇ պետի պաշտոնից Օնիկ Գասպարյանին ազատելու վերաբերյալ որոշման մասին, ինչպես նաև վարչապետի աշխատակազմի պատասխանը այդ առարկություններին։
Նախագահի աշխատակազմում առերևույթ հակասահմանադրական են համարել Գասպարյանին ազատելու առաջարկը, իսկ վարչապետի աշխատակազմից պատասխանել են, որ հակասահմանադրականը նախագահի աշխատակազմի որոշումն է։
—
Այս ամենի արդյունքում ՀՀ ԱԺ իմքայլական պատգամավոր Վահագն Հովակիմյանը գրել է, թե առերևույթ հիմքեր կան Արմեն Սարգսյանի պաշտոնանկության գործընթաց սկսելու համար՝ Սահմանադրության կոպիտ խախտման հիմքով:
Նրան պատասխանել է ԱԺ ԼՀԿ խմբակցության ղեկավար Էդմոն Մարուքյանը։ Նա գրել է, որ դրա փոխարեն իշխանությունը պետք է լեզու գտնի բոլորի հետ։ Մեջբերում եմ․ «Ուղղակի փորձեք, եթե ուզում եք հասնել ինքնաոչնչացման վերջնական հանգրվան», – գրել է Մարուքյանը՝ դիմելով իշխանական թիմին։
