Քաղաքականություն
01.03.2021 | 12:14
Երկրագնդի բնակչության 10% -ից պակաս թվով մարդկանց մոտ է ձևավորվել կորոնավիրուսի դեմ հակամարմիններ: Այս մասին հայտնել է ԱՀԿ գիտաշխատող Սումիա Սվամինաթանը։ Ըստ նրա՝ պատվաստումը կոլեկտիվ իմունիտետ ձեռքբերելու միակ միջոցն է:
«Իհարկե, որոշ տեղերում, օրինակ ՝ խիտ բնակեցված քաղաքային տարածքներում, կան օջախներ, որոնցում բնակչության 50-60% -ը ենթարկվել է վիրուսի ազդեցությանը և ունի հակամարմիններ: Այնուամենայնիվ, դա չի նշանակում, որ մի ամբողջ քաղաք, մարզ, պետություն կամ երկիր հասել է կոլեկտիվ իմունիտետի մակարդակի», – հայտնել է Սվամինաթանը ԱՀԿ-ի կողմից Twitter– ում տեղադրված տեսանյութում:
Փետրվարի սկզբին ԱՀԿ-ն հայտնել էր, որ աշխարհում կորոնավիրուսի դեմ պատվաստված մարդկանց թիվը գերազանցում է վարակվածների թիվը, ընդ որում պատվաստվածների թվի մեծամասնությունը բաժին է ընկնում տասը երկրի:
Տաթև Ֆռանգյան
