09.06.2026 | 18:39
Կարապետ Գուլոյանի նկատմամբ հանրային քրեական հետապնդում է հարուցվել
Թուրքիայի ԱԳՆ են կանչել Իրանի դեսպանին
Քաղաքականություն
28.02.2021 | 21:49
Թուրքիայի արտաքին գործերի նախարարությունը կանչել է Իրանի դեսպան Մոհամմեդ Ֆերազմենդին՝ Թեհրանի հայտարարությունների պատճառով, թե Անկարան խախտել է Իրաքի ինքնիշխանությունը։ Այս մասին ՏԱՍՍ-ի փոխանցմամբ՝ հայտնել է Anadolu գործակալությունը։
Իրանի դեսպանին արտաքին քաղաքական գերատեսչությունում հայտնել են, որ Անկարան Թեհրանից աջակցություն է ակնկալում ահաբեկչության դեմ պայքարի հարցերում, այլ ոչ թե դրա դեմ հանդես գալուն:
Նախօրեին Իրաքում Իրանի դեսպան Իրաջ Մասջեդին քրդական Rudaw լրատվական գործակալությանը տված հարցազրույցում հայտնել էր, որ Թեհրանը դեմ է հանդես գալիս՝ Իրաք թուրքական ներխուժմանը, ինչպես նաև կոչ է անում Անկարային այդ երկրի տարածքից դուրս բերել իր զորքերը և հարգել միջազգային սահմանները:
