17.09.2026 | 15:58
Երթևեկության կազմակերպման փոփոխություն՝ Անտոն Քոչինյան փողոցում
Վրաստանի ընդդիմությունը մարտի 2-ից ծրագրում է արգելափակել պետական գերատեսչությունների շենքերը
Քաղաքականություն
27.02.2021 | 13:43
Ընդդիմությունը մարտի 2-ից ծրագրում է արգելափակել պետական գերատեսչությունների շենքերը, – այս մասին խորհրդարանի դիմաց կայացած հանրահավաքում հայտարարել է «Ազգային շարժման» անդամ, Խատիա Դեկանոիձեն. գրում է 1tv.ge-ն:
Նրա խոսքով, հանրահավաքները ծրագրված են Վրաստանի կառավարության վարչակազմի, ՆԳ նախարարության և խորհրդարանի մոտ:
«Ես ուզում եմ ձեզ ներկայացնել առաջիկա օրերի բողոքի ալիքի ծրագիրը: Այսօրվա բողոքի ցույցից հետո, մենք նախատեսում ենք մարտի 2-ից ազատության համար պայքարող անձանց հետ միասին արգելափակել խորհրդարանի շենքը: Մարտի 5-ին մենք նախատեսում ենք արգելափակել կառավարության վարչակազմի շենքը, որպեսզի մեր ձայնը լսելի լինի Բիձինա Իվանիշվիլիի ականավոր ծառաներից մեկի `Ղարիբաշվիլիի համար, որն ինքնին անօգուտ մարդ է և նրանից լսվում է միայն Բիձինա Իվանիշվիլիի ձայնը: Մարտի 9-ին մենք ծրագրում ենք հավաք անցկացնել ՆԳ նախարարության դիմաց, քանի որ այս գերատեսչությունն այսօր ձերբակալում է ակտիվիստներին` ոտնահարելով մարդու իրավունքները և չի հասկանում, որ դրանց հիմնական նպատակը երկրի ծառայությունն է, այլ ոչ թե Բիձինա Իվանիշվիլիին ծառայելը: Մարտի 11-ին մենք նախատեսում ենք ցույց անցկացնել այս ռեժիմի գլխավոր խորհրդանիշի ՝ դատարանի առջև, որը դարձել է Մուրուսիձեի, Չինչալաձեի և անարդարության և քաղաքական արդարադատության գլխավոր խորհրդանիշը: Մարտի 13-ին, կրկին հավաքվելու ենք խորհրդարանի առջև, շատ ենք լինելու և, իհարկե, սա կլինի ևս մեկ շատ կարևոր երթ և հանրահավաք հանուն ազատության», – հայտարարել է Խատիա Դեկանոիձեն:
