Ռազմական ղեկավարությունը պետք է իշխանությունը իր ձեռքը վերցնի, եթե դավաճանում են ժողովրդին. Սեֆիլյան. ՏԵՍԱՆՅՈՒԹ

ԳՇ հայտարարությունը ոչ միայն վտանգավոր չէ, այլ ընդհակառակը՝ այդ քայլը բավականին ուշացած է: Այս մասին Factor.am-ի հետ զրույցում նշեց «Ազգային ժողովրդավարական բևեռի» նախաձեռնող խմբի անդամ Ժիրայր ՍԵֆիլյանը:

«Եթե բանակի ղեկավարությունն այս անհրաժեշտ քայլը չաներ, ես վստահ եմ, որ դոփելու էինք տեղում, իսկ այժմ մեր ժողովրդի առաջ և քաղաքական ուժերի առաջ լուծման ուղղությամբ արագ քայլեր ձեռնարկելու հնարավորություն է ստեղծվել: Բնականաբար լուծումը պետք է լինի առանց Փաշինյանի»,- նշեց Սեֆիլյանը:

«Ոչ ոք չէր սպասում, որ Փաշինյանը բռնապետ կդառնա, բայց բոլորիս աչքի առաջ նա դարձել է բռնապետ, մեկուկես օր առաջ փողոցում մարդկանց ծեծում էին, այսօր ո՞ւր են այդ ծեծողները: Բանակի շնորհիվ այսօր գործող բռնապետը զսպված է: Հայաստանում ազատության շունչ կա: Ժողովուրդը պետք է ակտիվանա»,- նշեց Սեֆիլյանը:

Նրա գնահատմամբ՝ ԳՇ հայտարարությունը ռազմական հեղաշրջում համարելը քաղաքագիտորեն տգետ գնահատական է:

«Ռազմական ղեկավարությունը պետք է իշխանությունն իր ձեռքը վերցնի, եթե իշխանությունը դավաճանում է հայրենիքին և ժողովրդին»,- ընդգծեց Սեֆիլյանը: – Գործող վարչապետը և նախկին նախագահներն ինչքան շուտ հեռանան արենայից, այնքան շատ օգնած կլինեն ամբողջ ընթացքին: Նրանց միջամտությունը խանգարում է: Բանակի ղեկավարություն – ՀՀ նախագահ – Փաշինյանի հետնորդ եռյակը կարող է նստել երկխոսության և օր առաջ լուծում գտնել»:

Մանրամասները՝ տեսանյութում: