30.06.2026 | 15:55
Հայաստանը մեկ տարով երկարաձգել է մի շարք երկրների քաղաքացիների համար առանց վիզայի մուտքի ռեժիմը
ՀՀ-ում տեղի ունեցող իրադարձությունները դեռևս չեն ազդում ԼՂ-ի վերաբերյալ համաձայնագրերի կատարման վրա․ Պեսկով
Քաղաքականություն
26.02.2021 | 16:45
Հայաստանում տեղի ունեցող իրադարձությունները դեռևս չեն ազդում Լեռնային Ղարաբաղի վերաբերյալ համաձայնագրերի կատարման վրա, դրանց իրականացումը պետք է շարունակվի: Այս մասին ուրբաթ օրը հայտարարել է ՌԴ նախագահի մամուլի քարտուղար Դմիտրի Պեսկովը ՝ պատասխանելով այն հարցին, թե արդյոք Մոսկվան տեսնում է տարածաշրջանում հրադադարի համաձայնագրի խափանման վտանգ ՝ Երևանում ստեղծված իրավիճակի պատճառով, գրում է ՏԱՍՍ-ը:
«Ո՛չ, դեռևս»,- ասել է Կրեմլի ներկայացուցիչը։ Նա նշել է, որ չնայած ՀՀ-ում ստեղծված իրավիճակին, չափազանց կարևոր է նախկինի նման գնալ Ղարաբաղի շուրջ ստեղված պայմանավորվածությունների կյանքի կոչման ուղղությամբ։
Հիշեցնենք՝ ՀՀ ԶՈւ ԳՇ -ն հանդես է եկել հայտարարությամբ՝ պահանջելով վարչապետ Նիկոլ Փաշինյանի հրաժարականը։ Փաշինյանը սույն հայտարարությունը գնահատել է որպես ռազմական հեղաշրջման փորձ ու հայտարարել է ԳՇ պետին աշխատանքից ազատելու որոշման մասին։ Երկրի նախագահ Արմեն Սարգսյանը, որը, ըստ Սահմանադրության, վարչապետի առաջարկությամբ նշանակում ու ազատում է ԳՇ պետին, դեռևս չի ստորագրել փաստաթուղթը։
Տաթև Ֆռանգյան
