09.06.2026 | 23:00
Antrophic-ը զգուշացնում է․ ԱԲ զարգացումը 25 տոկոս հավանականությամբ կարող է դուրս գալ մարդու վերահսկողությունից
ԱՄՆ ավիահարվածներից հետո Սիրիայի ու Իրանի ԱԳՆ ղեկավարները հեռախոսազրույց են ունեցել
Քաղաքականություն
26.02.2021 | 17:46
Իրանի ԱԳՆ ղեկավար Մոհամմադ Ջավադ Զարիֆն ու նրա սիրիացի գործընկեր Ֆեյսալ Միկդադը հեռախոսազրույց են ունեցել՝ երկու երկրների համագործակցության ու տարածաշրջանային խնդիրների վերաբերյալ, գրում է Tasnim News Agency-ն։
Հեռախոսազրույցը կայացել է այն բանից հետո, ինչ ԱՄՆ ռազմաօդային ուժերը հարվածներ են հասցրել իրաք-սիրիական սահմանին։ Նախարարները նշել են, որ Արևմուտքը պետք է հետևի Սիրիայի հարցերով ՄԱԿ-ի Անվտանգության խորհրդի բանաձևի կատարմանը, հարգի արաբական հանրապետության ինքնիշխանությունն ու անկախությունը և չաջակցի ահաբեկչական խմբավորումներին։ Բացի այդ, նրանք կողմ են արտահայտվել Սիրիայի կարգավորման հարցով Աստանանյան գործընթացին։
Բանակցությունները տեղի են ունեցել ԱՄՆ կողմից Սիրիայում իրանամետ ուժերի դիրքերին ավիահարվածների ֆոնին։ Պենտագոնը հայտարարել էր, որ դա արվել է ի պատասխան Իրաքում ԱՄՆ ներկայացուցիչների ու կոալիցիոն ուժերի դիրքերի հրիթռակոծմանը։
Տաթև Ֆռանգյան
