21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
Ռուստամ Բադասյանը ներկայացրել է, թե հանրային ծառայությունների մատուցման ոլորտում ինչ արմատական բարեփոխում է իրականացնում ԱՆ-ն
Հասարակություն
26.02.2021 | 13:49
Արդարադատության նախարարությունը հանրային ծառայությունների մատուցման ոլորտում արմատական բարեփոխում է իրականացնում. ֆեյսբուքի իր էջում գրել է արդարադատության նախարար Ռուստամ Բադասյանն ու ներկայացրել ցուցակը.
✅Արդյունքում այլևս պետական տուրք չի պահանջվի․
🆓 Ամուսնության գրանցման,
🆓 Քաղաքացիական կացության ակտերի գրանցման (ՔԿԱԳ) տեղեկանքներ տրամադրելու,
🆓 Առցանց եղանակով անհատ ձեռնարկատեր հաշվառվելու,
🆓Առանձին տառերի կամ թվերի կամ ուղղագրական սխալների փոփոխության համար։
✅Իսկ ՔԿԱԳ պետտուրքի վճարումից ընդհանրապես կազատվեն՝
☑կենսաթոշակառուները,
☑առաջին և երկրորդ խմբի հաշմանդամները և հաշմանդամ երեխաները,
☑ընտանիքների անապահովության գնահատման համակարգում հաշվառված անձինք,
☑ռազմական գործողությունների մասնակիցները, ռազմական գործողությունների հետևանքով զոհված, հաշմանդամ դարձած, անհայտ բացակայող կամ մահացած ճանաչված անձի ամուսնինը, զավակը և ծնողը։
✅Բարեփոխումների արդյունքում կրճատվել են նաև հետևյալ գործընթացների ժամկետները՝
☑️Ամուսնության բացակայության մասին տեղեկանքը 7 օրվա փոխարեն կտրամադրվի տեղում։
☑️Ամուսնության գրանցումը հնարավոր կլինի իրականացնել դիմումը ներկայացնելու հաջորդ օրվանից մինչև 6 ամիս ժամկետում՝ դիմողի նախընտրած օրը։
☑️Անվան փոխման գրանցման ժամկետը մինչև 5 ամսից կդառնա 15 աշխատանքային օր։
☑️Ուղղում, փոփոխություն և լրացում, ինչպես նաև ակտի վերականգնում կատարելու համար մինչև 4 ամիս տևող ժամկետը դարձել է 15 աշխատանքային օր:
☑️Ուղղագրական սխալների փոփոխման համար սահմանված ժամկետը կկրճատվի մինչև 3 աշխատանքային օր ։
☑️Առևտրային կազմակերպությունների գրանցման ժամկետը սահմանվել է 1 աշխատանքային օր։
✅Այլ փոփոխություններ․
☑️ Փաստաթղթերն ապոստիլով կվավերացվեն մեկ պետական մարմնի՝ Արդարադատության նախարարության կողմից՝ 1 օրում՝ նախկին 3 օրվա փոխարեն:
☑️ Ա/Ձ հաշվառումը հնարավոր կլինի նաև լիազորված անձի միջոցով։
✅Հանրային ծառայությունների մատուցման ոլորտում բարեփոխումները շարունակվում են։
📍ԾԱՆՈՒՑՈՒՄ ‼️ Պետռեգիստրին առնչվող փոփոխություններն ուժի մեջ կմտնեն այսօրվանից, իսկ ՔԿԱԳ ոլորտին առնչվող բարեփոխումները՝ 2021 թվականի մայիսի 16-ից։
