27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
ՄԱԿ-ը քննադատել է ցուցարարների ու լրագրողների հանդեպ Բելառուսում բռնաճնշումները
Քաղաքականություն
26.02.2021 | 15:15
ՄԱԿ-ի մարդու իրավունքների հարցերով գլխավոր հանձնակատար Միշել Բաչելետը դատապարտել է Բելառուսում լրագրողների ու ցուցարարների հանդեպ բռնաճնշումները։ Համակարգված ճնշումները ցուցարարների վրա շարունակվում են, իսկ «աննախադեպ» ճգնաժամը մարդու իրավունքների ոլորտում հանրապետությունում ուժեղանում է, հայտարարել է նա ՄԱԿ-ի մարդու իրավունքների հարցերով խորհրդի նիստին, գրում է DW-ի ռուսական ծառայությունը:
Բաչելետի ելույթում ընդգրկվել է 2020 թվականի մայիսից դեկտեմբերն ընկած ժամանակահատվածը։ ՄԱԿ-ի կոմիսարի տվյալների համաձայն՝ այդ ամիսների ընթացքում Բելառուսում բազմիցս ու լայն մասշտաբներով խախտվել են մարդու իրավունքները։ Խոսքը գնում է կամայական զանգվածային ձերբակալությունների, խոշտանգումների, ահաբեկման ու լրագրողների, ակտիվիստների ու ընդդիմադիրների վրա ճնշումների մասին։ Իսկ մինչև փետրվարի 9-ը ընկած ժամանակահատվածում 246 մարդ քաղաքական դրդապատճառներով ազատազրկվել է, նշել է Բաչելետը։
Տաթև Ֆռանգյան
