18.12.2025 | 22:49
Համբերությունը սպառվում է. Թուրքիան զգուշացրել է Սիրիայի քրդական ուժերին
ԼՂ-ում ականազերծվել է շուրջ 1506 հեկտար տարածք
Քաղաքականություն
26.02.2021 | 11:20
ՌԴ խաղաղապահ զորախմբի մարդասիրական ականազերծման գնդի անձնակազմը շարունակում է Լեռնային Ղարաբաղում տարածքների ականազերծման աշխատանքները։ Այս մասին հայտնում են ՌԴ ՊՆ-ից։
Տեղեկացվում է, որ ռուս սակրավորները պայթյունավտանգ առարկաներ են փնտրել մասնավոր տների հարակից տարածքներում, ինչպես նաև Մարտակերտի շրջանի ընդհանուր օգտագործման ճանապարհներին։
2020 թվականի նոյեմբերի 23-ից մինչ օրս չպայթած զինամթերքից մաքրվել է 1506 հեկտար տարածք, 468 կմ ճանապարհ, 1476 շենք-շինություն, այդ թվում նաև 30 սոցիալական նշանակության օբյեկտներ, հայտնաբերվել ու ականազերծվել է 24 923 պայթյունավտանգ առարկա։
Տեղեկացվում է, որ ականազերծման ու բնակավայրերի ծայրամասերի մաքրման ընթացքում ռուս խաղաղապահների կողմից կիրառվում են ժամանակակից «Ուրան-6» ռոբոտատեխնիկական համակարգեր, որոնք թույլ են տալիս ապահովել զինվորականների անվտանգությունը պայթյունավտանգ աշխատանքների ընթացքում և ապահովում են ցանկացած եղանակային պայմաններում տեղանքի մաքրման բարձր տեմպը։ Հայտնաբերված պայթյունավտանգ առարկաներն ու չպայթած զինամթերքը տարհանվում ու ոչնչացվում են հատուկ կահավորված հրաձգարաններում։ Զինամթերքը, որը հնարավոր չէ տարհանել, ոչնչացվում է տեղում՝ պահպանելով անվտանգության բոլոր կանոնները։
Տաթև Ֆռանգյան
