18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
ՌԴ Դաշնային խորհրդում ՀՀ-ում իրավիճակի շուտափույթ կայունացման հույս են հայտնել
Քաղաքականություն
25.02.2021 | 17:49
ՌԴ Դաշնային խորհրդում հույս են հայտնել, որ Հայաստանում իրավիճակը շուտափույթ կկայունանա։ Այս մասին հայտարարել է ՌԴ Դաշնային խորհրդի միջազգային հարցերով հանձնաժողովի ղեկավար Կոնստանտին Կոսաչովը, գրում է «Իզվեստիան»։
Նրա խոսքով՝ ռուս սենատորները մշտական կապի մեջ են իրենց հայ գործընկերների հետ։
«Հետևում ենք, բնականաբար՝ անհանգստությամբ։ Ցանկանում ենք մեր եղբայրական հայ ժողովրդին իրավիճակի շուտափույթ կայունացում՝ Սահմանադրության ու գործող օրենսդրության հիման վրա։ Կապի մեջ ենք մեր հայ գործընկեր խորհրդարանականների հետ»,- նշել է Կոսաչովը։
Նա ընդգծել է՝ ստեղծված իրավիճակը ինքնիշխան Հայաստանի ներքին գործն է:
Հիշեցնենք՝ ՀՀ Զինված ուժերի Գլխավոր շտաբը հայտարարություն է տարածել՝ վճռական բողոք արտահայտելով Տիրան Խաչատրյանին Գլխավոր շտաբի պետի առաջին տեղակալի պաշտոնից ազատելու առնչությամբ: Ստեղծված իրավիճակով պայմանավորված՝ ՀՀ ԶՈՒ ԳՇ-ն պահանջել է ՀՀ վարչապետի և կառավարության հրաժարականը:
Տաթև Ֆռանգյան
