18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Օնիկ Գասպարյանին ազատել եմ աշխատանքից․ Նիկոլ Փաշինյան. ՏԵՍԱՆՅՈՒԹ
Քաղաքականություն
25.02.2021 | 13:13
ՀՀ վարչապետ Նիկոլ Փաշինյանը ֆեյսբուքյան ուղիղ եթերում անդրադարձել է ԶՈՒ ԳՇ այսօրվա հայտարարությանը, որում զինվորականները պահանջել են իր ու կառավարության հրաժարականը:
Փաշինյանը նշեց, որ երեկ որոշում է կայացրել Տիրան Խաչատրյանին ԳՇ պետի առաջին տեղակալի, իսկ այսօր՝ Օնիկ Գասպարյանին ԳՇ պետի պաշտոնից ազատելու մասին: Վարչապետի խոսքով՝ այդ որոշումներին հետևել է ԳՇ հայտարարությունը, որով զինվորականները պահանջում են իր հրաժարականը:
«Նրանց կողմից նման քայլի պատճառը կարևոր է արձանագրել, և ես այդ արձանագրումն եմ ուզում անել Հանրապետության հրապարակում: Բայց ամենակարևոր խնդիրը, որ մենք այսօր ունենք, ժողովրդի ու քաղաքացիական իշխանության պահպանումն է, որովհետև այն, ինչ տեղի է ունենում, ես անվանում են ռազմական հեղաշրջման փորձ»,- ասաց վարչապետը:
