26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Վենեսուելան վերջնագիր է ներկայացրել Եվրամիությանը
Քաղաքականություն
25.02.2021 | 14:33
Կարակասը այլևս երկխոսության մեջ չի մտնի Եվրամիության հետ, եթե այնտեղ պատժամիջոցների քաղաքականությունը չփոխվի, հայտարարել է Վենեսուելայի Բոլիվարյան Հանրապետության նախագահ Նիկոլաս Մադուրոն, գրում է «ՌԻԱ Նովոստին»:
«Նրանք միջամտում են մեր ներքին գործերին և ի՞նչ են ակնկալում։ Որ մենք նրանց դրա համար շնորհակալություն կասե՞նք։ Ո՛չ։ Կամ ամեն բան կշտկեք, կա՛մ ձեզ հետ ոչ մի գործարք չի լինի, Եվրամիության պարոնայք։ Վենեսուելան գիտի՝ ինչպես պատասխանել սպառնալիքներին, որտեղից էլ դրանք լինեն»,- եզրափակել է հանրապետության ղեկավարը։
Երկուշաբթի Բրյուսելն ընդլայնել է Վենեսուելայի նկատմամբ սահմանափակումների ցուցակը՝ ներառելով բարձրաստիճան զինվորականներ, Ազգային ընտրական խորհրդի անդամներ և նոր խորհրդարանի անդամներ «ժողովրդավարության և օրենքի գերակայությունը խարխլելու գործում ունեցած դերի և մարդու իրավունքների լուրջ խախտումների համար»: Ի պատասխան՝ Վենեսուելան երկրից վտարել է ԵՄ դիվանագիտական առաքելության ղեկավարին:
Երկրում ճգնաժամ է սկսվել երկու տարի առաջ ՝ նախագահական ընտրություններից հետո, որոնցում հաղթել է Մադուրոն: Վաշինգտոնը, Բրյուսելը և Լատինական Ամերիկայի մի քանի երկրներ չեն ճանաչել քվեարկության արդյունքները: Նրանք սկսել են աջակցել ընդդիմության առաջնորդ Խուան Գուայդոյին և պատժամիջոցներ կիրառել պաշտոնական Կարակասի դեմ:
Տաթև Ֆռանգյան
