18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Ադրբեջանից Թուրքիա գազի մատակարարումը դադարեցվել է
Քաղաքականություն
24.02.2021 | 17:48
Ադրբեջանից գազի մատակարարումը Թուրքիա դադարեցվել է։ Այս մասին հայտնում է թուրքական EPIAS էներգետիկ բորսան, գրում է EurAsia Daily-ն։
«Ադրբեջանից մեր երկիր բնական գազի մատակարարումը Թուրքգուզու և TANAP մուտքի կետերից դադարեցվել է 2021 թվականի փետրվարի 23-ից»,- ասվում է EPIAS հարթակում։
«Գազի մատարարումները ժամանակավորապես դադարեցվել են Ադրբեջանի գազի արդյունահանման հորատանցքերում տեխնիկական անսարքությունների պատճառով », – պարզաբանել են EPIAS-ից՝ հավելելով, որ գազի ու գազամատակարարման մյուս աղբյուրները շարունակում են անխափան գործել։
Հավելենք, որ Թուրքիան գազ է ստանում նաև Ռուսաստանից, Իրանից ու հեղուկացված բնական գազի տերմինալներից։
Տաթև Ֆռանգյան
