11.09.2026 | 14:05
Նյու Յորքում սեպտեմբերի 11-ի հարձակումների 25-րդ տարելիցի հիշատակի միջոցառումներ կանցկացվեն
Իշխանությունն արժանի չեղավ հեղափոխության ակնկալիքներին․ Արթուր Սաքունց. ՏԵՍԱՆՅՈՒԹ
Հասարակություն
24.02.2021 | 15:42
Կրիմինալ, հակաժողովրդավարական, մարդու իրավունքների նկատմամբ բացարձակապես արհամարհական վերաբերմունք և ատելություն ունեցող խմբերի գործողությունները ոչ բռնի կերպով բոլորի աչքի առաջ հարյուր հազարավոր քաղաքացիների իրականացրած հեղափոխության հետ նույնականացնելը ոչ միայն տեղին չէ, այլ նաև ակնհայտ կեղծիք է: Այս մասին «Ոստիկանական բարեփոխումներ, որոնք ոչինչ չեն փոխել» թեմայով առցանց քննարկման ժամանակ նշեց Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը:
«Իշխանությունն արժանի չեղավ հեղափոխության ակնկալիքներին, սա փաստ է: Բայց այն, որ ժողովրդի պահանջարկը՝ ինստիտուցիոնալ փոփոխություններ կատարել, երաշխավորել սոցիալական արդարությունը, երաշխավորել ժողովրդավարական անվտագությունը, երաշխավորել Մարդու իրավունքների հիման վրա պետության անվտանգությունը, չի կատարվել, դա չի նշանակում, որ հեղափոխությունը կեղծ էր կամ սին: Ո՛չ, իշխանությունը արժանի չեղավ հեղափոխություն իրականացրած ժողովրդին: ԵՎ դրանից առիթավորվածներին, որոնք իրենց կառավարման ժամանակ շարունակաբար խախտել են մարդու իրավունքները, հիմա թվում է, թե լեգիտիմություն են ստացել, բայց քաղաքացիների շրջանում նրանք չեն կարող լեգիտիմություն ստանալ»,- նշեց Սաքունցը:
Մանրամասները՝ տեսանյութում:
