01.11.2026 | 18:39
Թայվանի հյուսիսարևելյան ափերի մոտ 5,6 մագնիտուդով երկրաշարժ է տեղի ունեցել
Ժերար Դեպարդյեին կրկին մեղադրել են բռնաբարության մեջ
Քաղաքականություն
24.02.2021 | 16:16
Ֆրանսիայի դատախազությունը բռնաբարության մեջ է մեղադրել հանրահայտ դերասան Ժերար Դեպարդյեին։ Ինչպես տեղեկացվում է, 2018 թվականին նա բռնաբարել է 20-ամյա դերասանուհու, որը երկու անգամ այցելել է նրա բնակարան։
Հանրաճանաչ դերասանը հերքում է իրեն ներկայացված մեղադրանքները, հայտնում է ֆրանսիական BFM TV-ն՝ հղում կատարելով սեփական աղբյուրներին։
Նշվում է, որ միջադեպը գրանցվել է Փարիզում դերասանի առանձնատանը 2018 թվականի օգոստոսի 7-ին և 13-ին։ Հնարավոր զոհը՝ 20-ամյա դերասանուհին, Դեպարդյեի ընկերոջ դուստրն է։ Այս մեղադրանքով հետաքննությունն արդեն մեկ անգամ ավարտվել էր 2019 թվականին՝ դեպքի հանգամանքների պարզաբանման անհնարինության պատճառով: Սակայն գործը վերաբացվել է աղջկա պաշտպանների բողոքարկումից ու վկաների հարցաքննությունից հետո։
Դեպարդյեն աշխարհում ամենահայտնի ֆրանսիացի դերասաններից է։ Իր 50-ամյա կարիերայի ընթացքում նա նկարահանվել է ավելի քան 200 ֆիլմերում ու սերիալներում, խաղացել է բազմաթիվ թատերական ներկայացումներում։
Տաթև Ֆռանգյան
