26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Ամերիկացի կոնգրեսականը կոչ է արել Բայդենին պատասխանատվության ենթարկել Ալիևին՝ հայերի դեմ շարունակվող ագրեսիայի համար
Քաղաքականություն
24.02.2021 | 14:18
ԱՄՆ Ռոդ Այլենդ նահանգը ներկայացնող դեմոկրատ կոնգրեսական Ջիմ Լանգևինը դատապարտել է Սումգայիթում, Կիրովաբադում և Բաքվում հայերի դեմ Ադրբեջանի իրականացրած ջարդերը՝ կոչ անելով Բայդենի վարչակազմին պատասխանատվության ենթարկել Ալիևին Հայաստանի և Արցախի դեմ շարունակվող ագրեսիայի համար:
«Ես սգում եմ ու ոգեկոչում եմ 1988 թվականին փետրվարի 27-29 Սումգայիթում, 21-27 Կիրովաբադում ու 1990 թվականի հունվարի 13-19 Բաքվում հայերի կոտորածի հիշատակը։ Այդ իրադարձությունների ժամանակ հարձակվողները խոշտանգել ու սպանել են հարյուրավոր հայերի։ Ես դատապարտում են այդ կոտորածներն ու դրանց հաջորդած Ադրբեջանի ագրեսիան ընդդեմ ՀՀ խաղաղ բնակչության ու մշակույթի։ Քանի որ մենք մոտենում ենք Սումգայիթի ջարդերի 33-րդ տարելիցին ու քննարկում ենք անցյալ աշնանը Արցախում Ադրբեջանի անխիղճ ագրեսիան, կոչ եմ անում ԱՄՆ-ին առաջատարի դեր ստանձնել Հայաստանի ու Ադրբեջանի միջև արդարացի ու կայուն խաղաղության հասնելու հարցում»,- հայտարարել է կոնգրեսականը։
Տաթև Ֆռանգյան
