30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Մաշադյանի խաղատուն գնալը հակաիրավական արարք չէ. ՊԵԿ նախագահ. ՏԵՍԱՆՅՈՒԹ
Հասարակություն
24.02.2021 | 13:31
Ռաֆիկ Մշադյանը պարզաբանում է ներկայացրել, ավելացնելու բան չունեմ: Այս մասին լրագրողների հետ ճեպազրույցում ասաց ՊԵԿ նախագահ Էդվարդ Հովհաննիսյանը՝ անդրադառնալով մամուլի հրապարակմանը, որ ՊԵԿ փոխնախագահ Ռաֆիկ Մաշադյանը խաղատուն է այցելել։
Հարցին, թե պետության համար ռիսկեր պարունակո՞ւմ է այն, որ ՊԵԿ բարձրաստիճան պաշտոնյայի խաղատուն է գնում, Հովհաննիսյանը պատասխանեց. «Պետական մուտքերը Պետական եկամուտների կոմիտեում կանխիկ չեն մուտքագրվում, որ ինչ-որ մեկը կարողանա վերցնել ու գնալ խաղատուն։ Իսկ խաղատուն գնալն ինքնին հակաիրավական արարք չէ»,- ասաց ՊԵԿ նախագահը՝ հավելելով, որ ռիսկեր չեն տեսնում:
Հովհաննիսյանը նշեց, որ Մաշադյանի արարքը չի ազդում ՊԵԿ վարկանիշի վրա և հավելեց. «Շատ հնարավոր է՝ ես էլ գնամ հագստի և ընկերներիս հրավերով ես էլ այցելեմ խաղատուն։ Դա որևէ հակաիրավական վարքագիծ իր մեջ չի պարունակում»:
Մանրամասները՝ տեսանյութում:
