26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Իտալիայում շուրջ 200 դագաղ հայտնվել է ծովում
Քաղաքականություն
23.02.2021 | 18:06
Իտալական Ջենովա քաղաքի մերձակայքում գտնվող գերեզմանների մի մասը սողանքի հետևանքով հայտնվել է ծովում, հայտնել են տեղի փրկարարական ծառայությունները։ Տեղի ԶԼՄ-ների հաղորդմամբ՝ ջրում է հայտնվել ավելի քան 200 դագաղ։ Սողանքներն, ինչպես նշվում է, հնարավոր է, եղել են հողի էրոզիայի արդյունք, որը վերջին տարիներին ավելի էին խորացրել ուժեղ մակընթացային ալիքները։
La Stampa թերթի փոխանցմամբ՝ սողանքի ժամանակ հաջողվել է փրկել գերեզմանատանը գտնվող մի խումբ աշխատակիցների։ Բացի գերեզմաններից սողանքների հետևանքով վնասվել է երկու մատուռ։
Միջադեպը գրանցվել է երկուշաբթի օրը՝ օրվա երկրորդ կեսին։ Դեպքի վայր են ժամանել հրշեջներ, ոստիկանություն ու առափնյա անվտանգության աշխատակիցներ։ Նրանք ստորջրյա արգելապատնեշներ են տեղադրել, որպեսզի դագաղները ծովի խորքը չքշեն ալիքները, այժմ սկսվել են ջրից դագաղների դուրսբերման աշխատանքները։
Տաթև Ֆռանգյան
