30.06.2026 | 18:44
Թուրքիան գնահատում է SAMP-T և Patriot համակարգերի ձեռքբերման հնարավորությունը՝ իր հակաօդային պաշտպանությունն ամրապնդելու համար
Հայկական բանակի վերազինման ուղղությամբ համապատասխան գործողություններ են ընթանում․ Կոպիրկին. ՏԵՍԱՆՅՈՒԹ
Քաղաքականություն
23.02.2021 | 15:00
Ռուսաստանի ու Հայաստանի պաշտպանության նախարարությունների միջև տարբեր ուղղություններով ակտիվ երկխոսություն է ընթանում: Այս մասին հայտարարել է ՀՀ-ում Ռուսաստանի Դաշնության դեսպան Սերգեյ Կոպիրկինը «Հաղթանակ» զբոսայգում լրագրողների հետ զրույցում:
Հարցին, թե ռուսական կողմը պատրա՞ստ է արդյոք օգնել արդիականացնելու հայկական բանակը, Կոպիրկինը պատասխանեց. «Արդեն իսկ օգնում է»:
Հարց հնչեց, որ անցյալ շաբաթ ադրբեջանական լրատվամիջոցներում հրապարակվել է տեղեկություն, թե իբր ադրբեջանական կողմի խնդրանքով Ռուսաստանի պատմության դասագրքերում շտկումներ են մտցվել, և դասագրքերից հանվել է «Արևելյան Հայաստան» ձևակերպումը: ՌԴ դեսպանն արձագանքել է. «Ես, ինչպես և դուք, կարող եմ հենվել ԶԼՄ-ների վրա, բնականաբար այդ աղբյուրները ես չեմ կարող մեկնաբանել: Այլ տեղեկություն չունեմ»:
Անդրադառնալով հայ ռազմագերիների վերադարձի հարցին՝ Կոպիրկինը նշեց, որ ռազմագերիներին վերադարձնելու ուղղությամբ բարձր մակարդակով մշտական աշխատանք է տարվում, այդ թվում նաև ՌԴ ղեկավարության մասնակցությամբ. «Դա հեշտ գործընթաց չէ: Պարբերաբար տեղեկություններ են գալիս գերիների նոր խմբերի վերադարձի մասին: Մենք, իհարկե, կցանկանայինք, որ դա հնարավորինս շուտ տեղի ունենար՝ «բոլորը՝ բոլորի դիմաց» սկզբունքով»:
Դեսպանը հավելեց, որ տեղյակ չէ ռազմագերիների նոր խմբի վերադարձի մասին:
Մանրամասները՝ տեսանյութում:
