30.06.2026 | 17:35
ՍԴ-ն փակ նիստից հետո աշխատանքը շարունակում է բաց ռեժիմով․ ՈՒՂԻՂ
Կիևը հայտարարել է, որ կրակոցների հետևանքով զինվորական է զոհվել
Քաղաքականություն
23.02.2021 | 14:41
Մեկ ուկրաինացի զինվորական է զոհվել կրակոցների հետևանքով։ Այս մասին հայտարարել է եռակողմ կոնտակտային խմբում Կիևի պատվիրակության ներկայացուցիչը։ Ըստ այդ տվյալների՝ ևս մեկ զինվորական վիրավոր է, գրում է «Կոմերսանտը»։
«Այսօր՝ փետրվարի 23-ին, ժամը 7։00-ի սահմաններում Սվետլոդարսկի ուղղությամբ հակառակորդի կողմից իրականացված կրակի հետևանքով զոհվել է Ուկրաինային Զինված ուժերի մեկ և վիրավորվել ևս մեկ զինծառայող: Ուկրաինական կողմը համապատասխան նոտա է հղել ԵԱՀԿ Հատուկ մոնիթորինգային առաքելությանը»,- ասված է տարածված հայտարարության մեջ։
Հավելենք, որ ավելի վաղ ինքնահռչակ Դոնեցկի Ժողովրդական Հանրապետության ներկայացուցիչները կրակի դադարեցման ու վերահսկման համատեղ կենտրոնում հայտարարել են, որ ուկրաինացի ուժայինները ականանետային հարձակման են ենթարկել Դոնեցկի արևմուտքում գտնվող Ստառոմիխայլովկա գյուղը։
Հիշեցնենք՝ Դոմբասում 2020 թվականի հուլիսի 27-ից գործում է կրակի դադարեցման ռեժիմ։ Ընդ որում ԵԱՀԿ ներկայացուցիչները բազմիցս արձանագրել են հրադադարի ռեժիմի խախտումները։
Տաթև Ֆռանգյան
