11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Հայաստանը՝ ռուսաստանցիների նախընտրելի ուղղություններից մեկը
Քաղաքականություն
22.02.2021 | 22:51
2021 թվականի առաջին կիսամյակում Ռուսաստանում դեպի Հայաստան ավիատոմսերը մեծ պահանջարկ ունեն ռուսաստանցի ճանապարհորդների շրջանում։ ՏԱՍՍ-ի փոխանցմամբ՝ այս մասին ասվում է Tyty.ru ճամփորդական ծառայության հետազոտությունում։
«Այս ուղղությամբ վաճառվել է արտասահմանյան բոլոր ուղղությունների տոմսերի շուրջ 20%-ը։ Ինքնուրույն ճամփորդողների շրջանում այս ուղղության ավիատոմսերի պահանջարկը, նախորդ տարվա համեմատ, գրեթե մեկուկես անգամ աճել է (ուսումնասիրվել են հունվարի 1-ից մինչև փետրվարի 15-ը ձևակերպված տոմսերը, թռիչքները՝ հունվարի 1-ից մինչև հունիսի 30-ը)»,- ասվում է հետազոտությունում։
Նշվում է, որ Մոսկվայից դեպի Երևան ավիատոմսերի միջին արժեքը 13․000 ռուբլուց քիչ ավելին է։
Տարածված ուղղություններից երկրորդ տեղում է Ղրղզստանն է։ Առաջին տասնյակում են նաև Մոլդովան, Ադրբեջանը, Բելառուսը, Արաբական Միացյալ Էմիրությունները, Եգիպտոսը և Ուկրաինան։
Լուսինե Ղազարյան
