18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
ԵՄ-ում պայմանավորվել են ընդդեմ Ռուսաստանի նոր պատժամիջոցներ կիրառել
Քաղաքականություն
22.02.2021 | 21:18
ԵՄ արտգործնախարարները համաձայնեցրել են ընդդեմ Ռուսաստանի պատժամիջոցների կիրառումը՝ ընդդիմադիր Ալեքսեյ Նավալնիի քրեական հետապնդման համար։ ԵՄ խորհրդի նիստի ժամանակ սկզբունքային որոշում է կայացվել, գրում է DW-ի ռուսական ծառայությունը՝ հղում կատարելով Բրյուսելում դիվանագետներին։
ԵՄ արտաքին քաղաքականության ու անվտանգության հարցերով գերագույն ներկայացուցիչ Ժոզեպ Բորելն այժմ պետք է կազմի կոնկրետ անձանց անուններով ցուցակ, ովքեր պատասխանատու են Նավալնիի ձերբակալության ու մեղադրական դատավճռի համար, իսկ նրանց հանդեպ պատժամիջոցներ կկիրառվեն։ Այդ պատժամիջոցները ենթադրելու են ԵՄ տարածքում գույքի առգրվում ու ԵՄ անդամ երկրներ մուտքի արգելք, դրանք ուժի մեջ կմտնեն մոտակա շաբաթների ընթացքում։
Reuters-ն իր հերթին գրում է, որ Բրյուրսելու հանդիպման ժամանակ կոնկրետ անուններ չեն քննարկվել, սակայն պատժամիջոցները պետք է վերաբերեն ՌԴ մի շարք ուժային կառույցների ղեկավարներին, ինչպիսիք են ՌԴ Քննչական կոմիտեի ղեկավար Ալեքսանդր Բաստիրկինը, Պատիժների կատարման դաշնային ծառայության ղեկավար Իգոր Կրասնովը ու Ռոսգվարդիայի հրամանատար Վիկտոր Զոլոտովը։
