30.06.2026 | 20:15
Վրաստանի ՆԳ նախարարն այցելել է Ծիծեռնակաբերդի հուշահամալիր
Քաղաքացու պաշտպանության համար պետությունը լեգիտիմ ուժ կիրառելու իրավունք ունի. Վահագն Հովակիմյան․ ՏԵՍԱՆՅՈՒԹ
Հասարակություն
22.02.2021 | 17:47
Հայտարարությունների տակ վտանգներ տեսնելը պատգամավորների տիրույթում չէ, այլ իրավապահների տիրույթում է, և եթե որևէ հայտարարություն իր մեջ վտանգներ և քրեորեն պատժելի արարքի հնարավորություն է տեսնում, իրավապահները պետք է գնահատական տան: Այս մասին Factor.am-ի հետ զրույցում ասաց «Իմ քայլը» խմբակցության պատգամավոր Վահագն Հովակիմյանը՝ անդրադառնալով Վազգեն Մանուկյանի հայտարարությանն այն մասին, որ սահմանադրական ճանապարհով են պայքարելու, սակայն կա նաև պլան Բ, և պետք է կայծակնային արագությամբ պատրաստ լինել ապստամբության անցնելու:
Պատգամավորի խոսքով՝ քաղաքական տեսանկյունից՝ բնական պրոցես է այն, որ ընդդիմությունը հանրահավաքներ է կազմակերպում:
Անդրադառնալով հարցին, թե հետպատերազմական այս շրջանում, երբ մարդկանց նյարդերը լարված են, սթրեսային վիճակում են, արդյո՞ք նման կոչերը չեն բերի անցանկալի հետևանքների և արդյո՞ք իրավապահները կկարողանան կանխել ոչ ցանկալի զարգացումները՝ Հովակիմյանը նշեց. «Համոզված եմ, որ մեր իրավապահներն ունակ են կանխելու բոլոր տեսակի զարգացումները»:
Պատգամավորը նաև ընդգծեց, որ քաղաքացու պաշտպանության համար պետությունը լեգիտիմ ուժ կիրառելու իրավունք ունի:
Մանրամասները՝ տեսանյութում:
